Bog daj,

danaska sam sama sebi rekla: "Ala ćo Ida movi se malo! Ono tvoje Novo leto još vavik stoji na mestu a još malo pa će i Mesopust pasat ..." i sve mislin i mislin ča bin van ovaj put napisala.

I tako misleć i fumajuć u isto vrime (lipo je kad čovik more va isto vrime delat dva posla), još san našla vrimena i za pogjedat malo ča govore na teletextu ...

Amamo, Ibrahim Rugova da je umrl! A brižan, počival u miru. Ma ča je pak ovo!? I kit va Temzi da je umrl! A nebogi, počival u miru. Samo čekaj malo, kako to!?

Ibrica je umrl. Dobro to mi je jasno.

Ma ča kit ni rabil krepat!?

Ili je kit umrl, a Ibrica krepal?

Vi'te ovdi kadi živimo, zgjeda da je to puno bliže istini. Meni se čini da je svaka krepalina od maške, pasa, tića, kalupa do toga stanja prišla na način va komu je više dostojanstva nego ča ga pasa bilo ki čovik da bi postal mrtvi.

I to ni pravedno.

Ni nikako.

T'r smo svi sisavci. I mi i kiti. Onda ili svi krepujmo, ili svi umirimo. Samo neka bude DOSTOJANSTVENO.

Stojte kuraju i ne pozabite poć na maškare. Tamo ne morate čak ni sisavci bit ;))) - budite "cucavci"!